Русская Православная Церковь/Московский Патриархат/Юго-Западное Викариатство г.Москвы/Параскево-Пятницкое Благочиние

Православный календарь






КТО НА САЙТЕ

Сейчас один гость и ни одного зарегистрированного пользователя на сайте

Вход на сайт

Икона Божией Матери «Неупиваемая Чаша»

Во временной церкви, построенной на месте строительства храма святого праведного воина Федора Ушакова, для молитвенного поклонения верующих имеется образ Богородицы именуемый «Неупиваемая Чаша». Эта святая икона была написана и освящена в Серпуховском Высоцком мужском монастыре около чтимого по всей Руси образа Царицы Небесной «Неупиваемая Чаша».

 икона Богородицы Ико́на Бо́жией Ма́тери «Неупива́емая Ча́ша» — икона Богородицы, происходящая из Введенского Владычного монастыря Серпухова. Известна с 1878 года и почитается в Русской церкви как чудотворная.

 

Иконографически восходит к типу Богородицы-Оранты. Мария изображена в молитвенной позе с воздетыми руками, Младенец Христос — стоящим в чаше и благословляющий обеими руками.

 

Считается, что молящиеся перед этим образом могут получить исцеление от болезней, в том числе от алкоголизма и наркомании.

 

Первоначальный явленный образ был утерян в начале XX века. Существующие ныне два почитаемых чудотворными списка находятся в Серпухове в Высоцком и Владычном монастырях.

 

Празднование иконе совершается 5 мая по юлианскому календарю.икона Богородицы

 

Явление образа «Неупиваемая Чаша» произошло в 1878 году. Крестьянину Ефремовского уезда Тульской губернии, одержимому страстью пьянства и вследствие этого утратившему способность ходить, во сне явился старец-схимник и сказал: «Иди в город Серпухов в монастырь Владычицы Богородицы. Там есть икона Божией Матери „Неупиваемая Чаша“, отслужи перед ней молебен и будешь здоров душой и телом». Крестьянин не сразу отправился в монастырь, но после третьего явления старца на четвереньках отправился в путь.икона Богородицы

 

Придя в женский Введенский Владычный монастырь, страждущий рассказал о своих сновидениях и попросил отслужить молебен. Но никто в монастыре не знал иконы Божией Матери с таким наименованием. После долгих поисков в проходе из соборного храма в ризницу был найден образ, на обороте которого обнаружили надпись: «Неупиваемая Чаша». В явившемся крестьянину схимнике он узнал старца Варлаама — строителя этого монастыря. После совершения молебна бывший пьяница получил не только исцеление больных ног, но и утратил пристрастие к алкоголю.Высоцкий Серпуховской монастырь

 

Есть сведения о многочисленных исцелениях по молитве перед этим образом. Особо икона почиталась в Серпухове. В центре города при храме благоверного князя Александра Невского было создано Александро-Невское братство трезвости. Каждое воскресенье при большом скоплении народа перед списком с чудотворной иконы Божией Матери «Неупиваемая Чаша» в храме совершались молебны с чтением акафиста, обычно завершавшиеся религиозно-нравственными беседами. Почитание иконы носило в основном местный характер, о чём свидетельствует отсутствие упоминания о ней в дореволюционной церковной литературе (кроме нескольких местных статей). Широкую известность иконе принесла художественная литература — повесть И. С. Шмелева «Неупиваемая Чаша» (1918).икона Богородицы

 

осле закрытия Владычного монастыря чудотворная икона была перенесена в кафедральный собор Николы Белого. В 1928—1930 гг. Серпуховскую кафедру возглавлял епископ Мануил (Лемешевский). В воспоминаниях о нём было написано, что он восстановил почитание святыни этой обители, местночтимой иконы Богоматери «Неупиваемая Чаша», которое к тому времени постепенно приходило в забвение. Также по просьбе верующих с благословения Владыки Мануила было написано 8 копий с Чудотворной иконы. В 1929 году Никольский собор был закрыт, все его святыни сожжены на берегу реки Нары. Иконы с изображением образа Божией Матери «Неупиваемая Чаша», включая первообраз, бесследно исчезли, молебные служения прекратились.

 

Почитание иконы «Неупиваемая Чаша» возобновилось в конце 1980-х годов.

 

Стараниями настоятеля местной церкви Пророка Илии архимандрита Иосифа (Балабанова)7 октября 2002 епископ Биробиджанский и Кульдурский) в городе была возобновлена дореволюционная традиция Серпуховского Александро-Невского Братства трезвости, следуя которой по воскресным дням стали совершаться молебны об исцелении от недуга пьянства с чтением акафиста Божией Матери «Неупиваемая Чаша».

 

В 1990 году архимандрит Иосиф выступил инициатором открытия Серпуховского Высоцкого мужского монастыря. 10 апреля 1991 года древняя обитель на Высоком, основанная преподобным Сергием Радонежским в 1374 году, вновь начала действовать. Став настоятелем, архимандрит Иосиф перенес молебное служение «Неупиваемой Чаше» в Высоцкий монастырь. В 1992 году российский иконописец Александр Соколов написал новую, ныне известную во всем православном мире икону. Образ украсили серебряной басменной ризой, а позже в левый нижний угол иконы был вставлен ковчежец с частью пояса Пресвятой Богородицы. В мае 1993 года этот образ был освящён в Высоцком монастыре, к нему началось паломничество, стали сообщать о чудесах (исцеления от алкоголизма, пристрастия к табаку).

 

6 мая 1996 года, в Серпуховском Введенском Владычном женском монастыре, в месте явления первообраза в XIX веке, был освящен вновь созданный список Чудотворной иконы.

 

Чудотворная икона «Неупиваемая Чаша», находящаяся в Высоцком монастыре, стала всероссийской святыней. 30 мая 1997 года по благословению Патриарха Алексия II икона «Неупиваемая Чаша» была впервые внесена в Православный церковный календарь, что явилось официальным признанием всероссийского почитания этого образа Богоматери.икона Богородицы

Молитвы ко Пресвятой Богородице ради Ея иконы "Неупиваемая Чаша"

 

Тропарь, глас 4

 

Днесь притецем вернии / к Божественному и пречудному образу Пресвятыя Богоматери, / напояющей верных сердца / небесною неупиваемою чашею Своего милосердия / и людям верным чудеса показующей. / Яже мы видяще и слышаще духовно празднуем и тепле вопием: / Владычице Премилостивая, / исцели наша недуги и страсти, / моляще Сына Твоего, Христа Бога нашего, спасти души наша.

 

Кондак, глас 6

 

Бысть чрево Твое святая Трапеза, / имущая Небеснаго Хлеба, / Христа Бога нашего, / от Негоже всяк ядый не умирает, / якоже рече всех, Богородительнице, Питатель.

 

Стихира по 50-м псалме, глас 6

 

Днесь Владычицы чудотворная икона прославляется, / днесь вернии на молитву пред нею отовсюду собираются, / днесь и маловернии помыслми покаяния озаряются, / силы Небесныя о славе Пречистыя радуются, / мы же, яко Ангелом научихомся, тако вопием: / радуйся, Благодатная, Господь с Тобою, / благословена Ты в женах, / благословено Твое к нам милосердие, / благословен Плод чрева Твоего, слава Тебе.

 

Молитва

 

О, премилосердная Владычице! К Твоему заступлению ныне прибегаем, молений наших не презри, но милостиво услыши нас: жен, детей, матерей; и тяжким недугом пианства одержимых, и того ради от матери своея — Церкви Христовой и спасения отпадающих, братьев, и сестер, и сродник наших исцели.

 

О, милостивая Мати Божия, коснись сердец их и скоро возстави от падений греховных, ко спасительному воздержанию приведи их.
Умоли Сына Своего, Христа Бога нашего, да простит нам согрешения наша и не отвратит милости Своея от людей Своих, но да укрепит нас в трезвении и целомудрии.

 

Приими, Пресвятая Богородице, молитвы матерей, о чадах своих слезы проливающих, жен, о мужех своих рыдающих, чад, сирых и убогих, заблуждшими оставленных, и всех нас, к иконе Твоей припадающих. И да приидет сей вопль наш, молитвами Твоими, ко престолу Всевышняго.

 

Покрый и соблюди нас от лукаваго ловления и всех козней вражиих, в страшный же час исхода нашего помоги пройти непреткновенно воздушные мытарства, молитвами Твоими избави нас вечнаго осуждения, да покрыет нас милость Божия в нескончаемые веки веков. Аминь.

 

Акафист Пресвятой Богородице ради чудотворной Ея иконы "Неупиваемая Чаша"икона Богородицы

 

Кондак 1

 

Избранное и дивное избавление нам даровася, / Твой образ честный, Владычице Богородице, / яко избавльшеся явлением его от недугов душевных и телесных / и скорбных обстояний, / благодарственная хваления приносим Ти, Всемилостивая Заступнице. / Ты же, Владычице, “Неупиваемою Чашею” нами именуемая, / приклонися благоутробно к нашим воздыханиям / и воплем сердечным, / и избавление подаждь страждущим недугом пианства, / да с верою воззовем Ти: / Радуйся, Владычице, Неупиваемая Чаша, / духовную жажду нашу утоляющая.

 

Икос 1

 

Ангельские чины и праведников сонмы непрестанно славят Тя, Царицу Богородицу, ходатаицу о многогрешнем роде христианском, погрязшем в беззаконии и пребывающем во гресех, ибо во утешение и спасение даруеши ему милость Свою чрез многоименуемыя чудотворныя иконы Твоя, их же яко звезды небесныя по всей земли нашей зрим; к единому же из сих образов, “Неупиваемая Чаша” именуемому, припадающе, из глубины сердца взываем Ти:
Радуйся, неприступнаго Божества селение; радуйся, непрестанное людей удивление.
Радуйся, скорбями грехи наша очищающая; радуйся, печальми наша немощи врачующая.
Радуйся, милость Свою чрез чудотворныя иконы Твоя нам свыше посылающая; радуйся, явлением их скорбныя сердца наша возвеселяющая.
Радуйся, пречудное всех с Богом примирение; радуйся, геенны вечныя избавление.
Радуйся, Владычице, Неупиваемая Чаша, духовную жажду нашу утоляющая.

 

Кондак 2

 

Видяще Пресвятая Владычица скорби сердечныя, муки душевныя, искреннее покаяние людей, одержимых губительным пороком пианства, благоволила еси явити Богоспасаемому граду Серпухову милость Свою явлением пречуднаго образа Своего “Неупиваемая Чаша”, да вси к нему припадающе с верою и сокрушенным сердцем, получив исцеление от тяжкаго недуга своего, из глубины души вопиют Богу: Аллилуиа.

 

Икос 2

 

Разумев трикратное явление преподобнаго Варлаама и повеление его в путь шествовати в Богоспасаемый град Серпухов, человек некий, страстию пианства одержимый, обрете тамо в монастыре икону Твою святую, “Неупиваемая Чаша” именуемую. Мы же, видяще таковое о нас грешных попечение, с благоговением вопием Ти:
Радуйся, чрез благочестивых людей славу чудес Твоих грешным открывающая; радуйся, путеводительнице прозорливая, путь спасения им показующая.
Радуйся, всеблагая наша наставнице, любовию Твоею нас привлекающая; радуйся, за вся благодеяния Твоя благодарению нас научающая.
Радуйся, скорбь нашу в радость претворяющая; радуйся, несомненною надеждою нас увеселяющая.
Радуйся, губительныя страсти наша разрушающая; радуйся, благим намерением способствующая.
Радуйся, Владычице, Неупиваемая Чаша, духовную жажду нашу утоляющая.

 

Кондак 3

 

Сила Вышняго и благодать Владычицы укрепляше некоего человека, страждущаго недугом пианства, егда он, нози расслаблены имуще, иде во град Серпухов, повеление Богоматери, чрез преподобнаго Варлаама реченное, исполняя. Пришед же во град сей, обрете икону Пречистыя Богоматери, абие исцеле от недуга своего душевнаго и телеснаго и из глубины души благодарственно воззва Богу: Аллилуиа.

 

Икос 3

 

Имуще источник неоскудеваемый, неупиваемую чашу небесных дарований, не токмо люди града Серпухова, но и вси православные христианы иных градов и весей, притекающии к Твоему пречудному образу, “Неупиваемая Чаша” именуемому, и пред сим получив исцеление, припадающе, благодарными устами вопиют Ти:
Радуйся, купель, в нейже вся скорби наша погружаются; радуйся, чаше, ею же радость спасения нашего восприемлем.
Радуйся, наша немощи душевныя и телесныя врачующая; радуйся, страсти наша силою молитв Твоих укрощающая.
Радуйся, коемуждо во всякой потребе просящим полезная дарующая; радуйся, бесчисленныя щедроты всем подающая.
Радуйся, милости сокровище нам открывающая; радуйся, милосердие к падшим являющая.
Радуйся, Владычице, Неупиваемая Чаша, духовную жажду нашу утоляющая.

 

Кондак 4

 

Бурю внутрь имущии помышлений сумнительных, но с искренним покаянием притекающии к Твоему неизреченному милосердию, одержимии пианственною страстию, получают исцеление, и из глубины сердца вопиют рожденному от Тебе Спасителю нашему: Аллилуиа.

 

Икос 4

 

Слыша Господь тяжкие скорби, вопли и плач жен, стариц, детей, сродницы коих обуреваеми суть пианственною страстию, дарова им, Владычице, Твою икону, от нея же вси притекающии обретают утешение и радость духовную и вопиют Ти со слезами:
Радуйся, Агнице, рождшая Агнца, вземлющаго грехи мира; радуйся, чаше, черплющая нам радость от источника бессмертия.
Радуйся, скорбных матерей утешение; радуйся, безнадежных надеждо.
Радуйся, притекающих к Тебе благодатное охранение; радуйся, скорбящих отрадо и увеселение.
Радуйся, волнение страсти пианства утишающая; радуйся, руку помощи Твоея требующим простирающая.
Радуйся, Владычице, Неупиваемая Чаша, духовную жажду нашу утоляющая.

 

Кондак 5

 

Яко Боготечную звезду, честную икону Твою Ты нам показала еси, Владычице мира, юже мы зряще, с верою сердечною молящеся Тебе, Богородице, глаголем: Исцели пианством и иною болезнею душевною и телесною страждущих, верных же научи воспевати хвалу Богу: Аллилуиа.

 

Икос 5

 

Видяще чудеса преславныя и знамения пречудныя, бываемые не токмо от иконы Твоея, Богомати, во граде Серпухове явленныя, но и от по подобию сея иконы списанных изображений, припадающе к ним, смиренно вопием Ти:
Радуйся, скоропредстательная Помощнице усердно к Тебе притекающих; радуйся, благосердная услышательнице молений наших.
Радуйся, град Серпухов благословением Твоим осенившая; радуйся, в пределах Московских славу чудес Твоих показавшая.
Радуйся, всем требующим сокровище исцелений неоскудное; радуйся, в трезвении благоподвизающихся всемощная Покровительнице.
Радуйся, ведущим брань противу мира, плоти, диавола и пианства добрая Споспешнице; радуйся, в мире благочестно живущих усердная Заступнице.
Радуйся, Владычице, Неупиваемая Чаша, духовную жажду нашу утоляющая.

 

Кондак 6

 

Проповедающе чудеса Твоя, Богородительнице, от иконы Твоея, “Неупиваемая Чаша” именуемая, бываемыя, молим Тя, Пречистая, со слезами: Избави всех нас от виннаго пристрастия и от падения греховнаго, научи нас воздержанию, подвизая воспевати Богу: Аллилуиа.

 

Икос 6

 

Возсияла еси в светлости Божественныя славы, Дево Богоотроковице, на Младенца, Превечнаго Бога, Господа нашего Иисуса Христа зряще, Иже в сосуде, аки в неупиваемой чаше предстоит, якоже Тя видим изображенную на иконе Твоей, “Неупиваемая Чаша” таинственно пронареченней, от неяже избавление от пианственной страсти притекающим с верою даруеши: сего ради со слезами приносим Тебе гласы немолчныя сице:
Радуйся, яко о Тебе радуется и торжествует ангельский собор и человеческий род; радуйся, яко Твоя слава превосходит похвалы земныя и небесныя.
Радуйся, таинственным изображением Сына в сосуде Тайну Божественныя Евхаристии нам открывающая; радуйся, рожденнаго Тобою Агнца, всегда ядомаго и никогдаже иждиваемаго, нам дивно указующая.
Радуйся, чаше жизни и бессмертия, ко вратам вечныя жизни нас приводящая; радуйся, источником нетления и радости жаждущия души напояющая.
Радуйся, неисчетною благостию не оставляющая самых презренных и отверженных; радуйся, от рова погибели милосердием Твоим исхищающая безнадежных.
Радуйся, Владычице, Неупиваемая Чаша, духовную жажду нашу утоляющая.

 

Кондак 7

 

Хотя человек некий возблагодарити Тя, Владычице, за исцеление от недуга пианства, украси Твою пречудную икону, Богомати, во граде Серпухове пребывающую, из глубины сердца воспевая Богу: Аллилуиа.

 

Икос 7

 

Новое чудо видим, Владычице, от иконы Твоея святыя: страждущий бо недугом пианства некий раб Божий Стефан, прибегая к Твоему матернему предстательству, от тяжкаго недуга своего избавися, и, благодаряще Тя, благолепными дары икону Твою украси, и, припадающе к ней, со слезами возопи Тебе тако:
Радуйся, Живоносный Источниче исцелений; радуйся, чаше небесная Божественных дарований.
Радуйся, реко исцелений приснотекущая; радуйся, море, вся наша страсти потопляющее.
Радуйся, под тяжестью греха пианства падающих матернима рукама Твоима возставляющая; радуйся, благодарственныя дары не отвергающая.
Радуйся, сердца благочестивых людей возвеселяющая; радуйся, вся благая прошения наша исполняющая.
Радуйся, Владычице, Неупиваемая Чаша, духовную жажду нашу утоляющая.

 

Кондак 8

 

Странно и сумнительно неверующим слышати, како икона Твоя святая “Неупиваемая Чаша” Божественных исцелений источает чудо. Мы же, веруя слову Твоему, Владычице, реченному к первописанней Твоей иконе: “Благодать Рождшагося от Мене и Моя с сею иконою да будет”, — веруем, яко и сия икона Твоя благодать Твою источает. Темже благоговейно поклоняющиеся, лобызаем ю, вопиюще Богу: Аллилуиа.

 

Икос 8

 

Все упование людие, страждущие недугом пианства, на Тя, Владычице, возлагают. Приклонися к немощем и страстем нашим, кто бо нас грешных изведет из рова погибели и нищеты духовныя и телесныя, аще не Ты, Владычице, сего ради, преклонше колена пред Твоим пречистым образом, вопием Ти тако:
Радуйся, моления грешников не отвергающая; радуйся, призывающим Тя Свою небесную помощь ниспосылающая.
Радуйся, глубину милосердия Твоего грешным показующая; радуйся, отчаянных и безнадежных ободряющая.
Радуйся, одержимым страстию пианства руку помощи простирающая; радуйся, терпеливых страдальцев благодатными дарами утешающая.
Радуйся, недуги наша душевныя и телесныя врачующая; радуйся, суетныя радости мира сего презирати нас научающая.
Радуйся, Владычице, Неупиваемая Чаша, духовную жажду нашу утоляющая.

 

Кондак 9

 

Всякое естество ангельское удивися делу Твоего милосердия, Господи, яко даровал еси грешному роду человеческому твердую Заступницу и Помощницу, к нашим немощем приклоняющуюся и от горькаго недуга пианства свобождающую, верныя же научающую пети Богу: Аллилуиа.

 

Икос 9

 

Витии человечестии недоумеют восхвалити по достоянию славное, Владычице, иконы Твоея явление. Ниже мы, грешнии, от скверных устен наших возможем принести достойное похваление Заступнице нашей. Обаче неисчетныя чудеса, иконою Твоею являемая, видевше, душею и сердцем радуяся, Тебе глаголем:
Радуйся, от священнаго лика Твоего чудеса источающая; радуйся, от бед и скорбей скоро избавляющая.
Радуйся, отвергающих Тя посрамляющая; радуйся, от всякаго зла прибегающих к Тебе сохраняющая.
Радуйся, кротким сиянием Твоим мрак греха и мглу страстей наших разгоняющая; радуйся, души наша любовию к Тебе и Сыну Твоему исполняющая.
Радуйся, на стезю покаяния нас премудре наставляющая; радуйся, добраго ответа пред Судиею Праведным нам усердная ходатаице.
Радуйся, Владычице, Неупиваемая Чаша, духовную жажду нашу утоляющая.

 

Кондак 10

 

Спасти хотя многия, страждущия недугом пианства, чудную икону Твою, Богомати, даровала еси, да вси, одержимии сею страстию, к чудотворному образу Твоему притекают и, получив исцеление, во умилении взывают Богу: Аллилуиа.

 

Икос 10

 

Стена еси и щит, Богомати, людем, страждущим недугом пианства, и всем, усердно к Тебе притекающим и икону Твою святую благоговейно чтущим. Ибо сию дарова нам благих податель Господь в помощь и врачевство от губительной страсти, и сим внушает нам пети Тебе:
Радуйся, отчаянных надеждо и печалей наших утоление; радуйся, болезней душевных и телесных исцеление.
Радуйся, нашу скверну чистотою Твоею очищающая; радуйся, Своею благодатию наше недостоинство просвещающая.
Радуйся, брение наше тленное в нетление облекающая; радуйся, моления наша Твоим предстательством подкрепляющая.
Радуйся, в неможении нашем нас утверждающая; радуйся, облегающий нас облак страстей скоро разгоняющая.
Радуйся, Владычице, Неупиваемая Чаша, духовную жажду нашу утоляющая.

 

Кондак 11

 

Пение наше смиренное, от полноты любви и усердия Тебе приносимое, не презри, Чистая, и не отврати от отчаявшихся и страждущих недугом пианства лика Своего, но помоги им и нам очиститься от всякия скверны греховныя, да возможем достойно и праведно пети Богу: Аллилуиа.

 

Икос 11

 

Светоприемную свещу зрим Тя, Пресвятая Дево, ибо образ Твой святый лучами благодати Твоея мглу греховную прогоняет и на светлую стезю добродетелей наставляет с верою зовущих Ти таковая:
Радуйся, заступлением Твоим от суеты мира сего многомятежнаго нас избавляющая; радуйся, приражения страстей плотских отражати нам помогающая.
Радуйся, мысль благу в сердце наше полагающая; радуйся, нечистую совесть нашу просвещающая.
Радуйся, от мучительнаго недуга пианства страждущих избавляющая; радуйся, к искреннему покаянию и вразумлению призывающая.
Радуйся, души всех озлобленных умягчающая; радуйся, на помощь Тя призывающих и имя Твое славящих спасающая.
Радуйся, Владычице, Неупиваемая Чаша, духовную жажду нашу утоляющая.

 

Кондак 12

 

Благодать Божия, присущая иконе Твоей, “Неупиваемая Чаша” именуемой, влечет к ней, Владычице, всех скорбящих, обездоленных, вдов и стариц, а наипаче же всех страждущих недугом пианства, и не тщетны отходят, Пречистая, от неупиваемой чаши Твоих Божественных дарований, но неоскудно получая цельбы от чудотворнаго образа Твоего, Всеблагая, благодарственно поют Богу: Аллилуия.

 

Икос 12

 

Поюще Твоя чудеса и велию милость, людем, одержимым страстию пианства, явленныя, молим Тя, Владычице, спаси и помилуй, и настави нас на стезю праву, и не остави нас, покрова Твоего ищущих и зовущих Ти:
Радуйся, к воздержанию от греха пианства всех подвизающая; радуйся, от пристрастия к вину росою милости Твоея свобождающая.
Радуйся, страждущих от тяжкаго греха пианства присное врачевание; радуйся, бедствующим в страстех скорая Помощнице.
Радуйся, малодушных дивное ободрение; радуйся, благодушных велия радость.
Радуйся, гордых смиряющая; радуйся, смиренныя возвышающая и всем спасения желающая.
Радуйся, Владычице, Неупиваемая Чаша, духовную жажду нашу утоляющая.

 

Кондак 13

 

О, премилостивая Мати Сладчайшего Господа нашего Иисуса Христа! Нынешнее наше услыши моление и избави нас от всех недугов душевных и телесных, наипаче же свободи страждущих недугом пианства рабов Твоих (имена), да не во зле погибнут, но да спасенныя Тобою присно вопиют Богу: Аллилуиа.

 

(Сей кондак глаголи трижды. А по сем читай икос 1 и кондак 1).

 

 

 

Служба Владычице нашей Богородице ради чудотворной Ея иконы "Неупиваемая Чаша"икона Богородицы

 

На "Господи, воззвах" стихиры на 8, глас 4:

 

От перваго Христова чудесе, / еже на браце в Кане Галилейстей, / Богородичо предстательство о людех наченся, / до Втораго и страшнаго не престанет пришествия. / О, милости неизреченныя! / О, снисхождения благоутробнаго! / Како Чистая Голубица смрадных грешников не возгнушается? / Како тех воздыхания матерски приемлет? / Дерзайте убо, братие, и моления ваша к Ней умножайте; / есть бо наше защищение Пресвятая Дева, / егоже врази одолети не могут, / яко Тоя послушает Христос Бог и Спас душ наших.

 

Твоим благодеянием и чудесем, Владычице, / осскудения несть и не будет, / веком бо многим преходящим / и христианскому языку во вся страны мира разселяющуся, / повсюду нова знамения от святых Твоих икон умножаются; / и человеческая сердца умиления исполняются. / Убо и днесь на Твое славословие собранныя люди благослови, / и тех приими смиренныя молитвы, / и прощение согрешений наших у Сына Твоего испроси, Милосердная Мати.

 

Зрак лица Твоего, о Владычице, / сице вопиет людем: / приидите, христолюбцы и праведнии, / духовную жажду сердец ваших славословием Бога утолите, / приидите, грешнии и маловернии, / своих очес к Нему возвести не смеющии, / и Моего предстательства пред Ним просите дерзновенно, / несть бо греха, Мою милость от кающихся отгонящаго, / приидите, и надежду спасения вам возвращу / и дарую душам вашим велию милость.

 

Твоего милосердия неизследимую бездну ведуще, Владычице, / аще и язвы грехов многих носим, / пред Твоим чудотворным образом умиленно себе повергаем / и в покаянии Тебе вопием: / аще и ни единаго глагола ко оправданию дел наших имамы, / но Твоих чудотворений памятию сердца наша слезами покаяния согреваем, / еяже ради подаждь нам согрешений прощение / и душам нашим велию милость.

 

Ины стихиры, глас 2:

 

Киими похвалами украсим пресветлый праздник Владычицы нашея, / украсившия обитель Высоцкую чудотворным образом Своим, / се Царица Богоотроковица прииде, / и Той достойную честь воздати немощно, / сей есть дар многоценный Заступницы мира, / недоразумеваемая и непостижимая днесь содеваются Тобою, / Владычице Богоблагодатная, / страшная таинства, / се море чудес неисчерпаемое / и врачевание безмездное страждущим душами и телесы, / с нимиже и мы возопиим: / радуйся, Радосте наша, / избави нас от всякаго зла / и душетленных страстей и печалей, / и вечнующаго пламене мучения.

 

Приидите, вси труждающиися и обременении грехи многими, / возвеличим Матерь Еммануилеву, / Державную Царицу Богородицу, / паче горних умов возвеличившую род христианский. / Приидите припадем к чудотворному образу Заступницы нашея / и омыем души слезами покаяния. / Се бо за беззакония наша люте страждем, от Бога наказуеми, / со страхом и любовию принесем молитвы наша и возопиим Благословенней: / радуйся, Мати Божия, / радуйся, Едина Мати милосердия, / к покаянию заблудших призывающая, / радуйся, Споручнице спасения грешных, / Сына Своего Бога нашего на милость преклоняющая. / Радуйся, одеяние честное, весь мир Своим омофором покрывающая: / Радуйся, Благодатная, Невесто Неневестная.

 

Странни и пришельцы суще в стране сей земной, / отвсюду бедами и печальми обуреваеми, / болезньми и страстьми угнетаеми, / к Тебе прибегаем, о Мати Бога Вышняго, / помяни, Дево Всенепорочная, еже стяжала еси стадо Твое, / и отверзи двери милосердия Твоего, / Матерним дерзновением Бога умоляющи, / да пробавит милость Свою ведущим Тя яко Заступницу усердную, / яко Благ и Человеколюбец Господь.

 

Се Чаша жизни, преисполненная даров Святаго Духа, / священная икона Владычицы. / Вкусите и видите, коль велия милость Заступницы. / По хотению бо Своему мощна есть и творити яко сущи всех Владычица. / Сытость Твоих похвал, Дево, / благочестивым верным отнюд не бывает: / желанием бо желание присно Божественное и духовное приемлюще, / яко Матерь Божию величаем.

 

Слава, и ныне: Глас 5:

 

Вострубим трубою песней: / приникши бо свыше Всецарица Мати Дева, / благословенми венчавает воспевающия Ю. / Царие и князи да стекутся, / и Царице да восплещут в песнех, Царя рождшей, / иже смертию держимыя первее, / разрешите человеколюбие благоволившаго. / Пастырие и учителие, добраго Пастыря Пречистую Матерь сошедшеся восхвалим, / свещник златозарный, светоносный облак, / небес пространнейшую, / одушевленный кивот, / огнезрачный Владычень Престол, / манноприемную златую стамну, / затворенную Слова дверь, / всех христиан прибежище, / песньми Богогласными похваляюще, сице рцем: / Палато Слова, / сподоби смиренных нас Небеснаго Царствия / ничтоже бо невозможно ходатайству Твоему.

 

Вход. Прокимен дне. И чтения. Бытия чтение (глава 23):

 

Изыде Иаков от студенца клятвеннаго, и иде в Харрань. И обрете место, и спа тамо, зайде бо солнце, и взят от камения места того, и положи возглавие себе, и спа на месте оном; и сон виде: и се лествица утверждена на земли, еяже глава досязаше до небес, и Ангели Божии восхождаху и нисхождаху по ней. Господь же утверждашеся на ней и рече: Аз Бог Авраамов, отца твоего, и Бог Исааков, не бойся, земля, идеже ты спиши на ней, тебе дам ю, и семени твоему. И будет семя твое, яко песок земный, и распространится на море, и ливу, и север, и на востоки. И возблагословятся о тебе вся колена земная и о семени твоем. И се Аз с тобою, сохраняяй тя на всяком пути, аможе аще пойдеши. И возвращу тя в землю сию, яко не имам тебе оставити, дондеже сотворити Ми вся, елика глаголах тебе. И воста Иаков от сна своего и рече: яко есть Господь на месте сем, аз же не ведех. И убояся, и рече: яко страшно место сие, несть сие, но дом Божий, и сия врата небесная.

 

Пророчества Иезекиилева чтение (главы 43 и 44):

 

Тако глаголет Господь: будет от дне осмаго и прочее, сотворят иереи на олтари всесожжения вашего, и яже спасения вашего, и прииму вы, глаголет Адонаи Господь. И обрати мя на путь врат святых внешних, зрящих на востоки, и сия бяхуху затворена. И рече Господь ко мне: врата сия затворена будут, и не отверзутся, и никтоже пройдет сквозе их, яко Господь Бог Израилев пройдет ими и будут затворена. Яко Игумен сядет в них снести хлеб, по пути Еламских врат внидет и по пути его изыдет. И введе мя по пути врат святых, сущих к северу, прямо храму, и видех, и се исполнь славы храм Господень.

 

Притчей чтение (глава 9):

 

Премудрость созда себе дом и утверди столпов седмь. Закла своя жертвенная, и раствори в чаши своей вино, и уготова свою трапезу. Посла своя рабы, созывающи с высоким проповеданием на чашу, глаголющи: иже есть безумен, да уклонится ко мне, и требующим ума рече: приидите, ядите мой хлеб и пийте вино, еже растворих вам. Оставите безумие, и живи будете, и взыщите разума, да поживете, и исправите разум в ведении. Наказуяй злыя, приимет себе безчестие, обличаяй же нечестиваго, опорочит себе, обличение бо нечестивому — раны ему. Не обличай злых, да не возненавидят тебе, обличай премудра, и возлюбит тя. Даждь премудрому вину, и премудрший будет; сказуй праведному, и приложит приимати. Начало премудрости — страх Господень, и совет святых — разум. Разумети бо закон — помысла есть благаго, сим бо образом многое поживеши время, и приложатся тебе лета живота.

 

На литии стихира, глас 2:

 

Непроходимая Врата, / тайно Запечатствованная, / Благословенная Богородице Дево, / приими моления наша / и принеси Твоему Сыну и Богу, / да спасет Тобою души наша.

 

Слава, и ныне, глас 1:

 

Подобаше Пречистыя Владычицы нашея образу / посреде святыя обители сея утвердитися, / да множество людей Тоя подножию покланятися навыкнут / и жития своего исправлению научатся, / сказанию зде бывших исцелений внемлюще; / и о милосердии Пресвятыя Богородицы помышляюще; / к Нейже и ныне возопиим, глаголюще: / о Пречистая Дево и Мати, / Твоих рабов моления не отвержи, но немощи наша предстательством Твоим исцели / и даруй нам прежде конца покаяние.

 

На стиховне стихиры, глас 2:

 

Пресвятая Мати Божия, / како Тя возблагодарим достойно, / яко преславно икону Твою святую / в покров, и утешение верным явила ю / и тоя светозарным явлением в сердцах наших / веру Православную утвердила еси.

 

Стих: Слыши, Дщи, и виждь, / и приклони ухо Твое.

 

О Воспетая Мати и Дево, / приклонися милостивно к молитвам нашим, / днесь пред пречистым образом Твоим смиренно приносимым, / покрый нас матерним Твоим покровом от всякаго зла / и защити от стрел вражиих, / да вси непрестанно Тя величаем.

 

Стих: Помяну имя Твое / во всяком роде и роде.

 

Под кров Твой, Владычице, прибегаем / и, Твоему святому образу припадающе, молим Тя: / призри на ны, грешныя рабы Твоя, / и из Тебе рождшагося Христа Бога нашего моли, / да препояшет нас с высоты силою Своею, / еже творити всегда волю Его святую, / спасая души наша, яко Благоутробен.

 

Слава, и ныне, глас 6:

 

Блажим Тя, вси роди, Богородице, / яко радости вся ны исполнила еси / явлением чудотворныя Твоея иконы / и многих от Нея исцелений дарованием: / души бо и телеса врачуеши / и всякия скорби утоляеши / честнаго образа Твоего осенением, / емуже днесь покланяющеся, усердно молим Тя: / сподоби, Владычице, Твоя рабы / в будущем веце избранных радости.

 

Тропарь, глас 4.

 

Днесь притецем вернии / к Божественному и пречудному образу Пресвятыя Богоматери, / напояющей верных сердца / небесною Неупиваемою Чашею Своего милосердия, / и людем верным чудеса показующей. / Яже мы видяще и слышаще духовно празднуем и тепле вопием: / Владычице премилостивая, / исцели наша недуги и страсти, / молящи Сына Твоего Христа Бога нашего спасти души наша.

 

По 1 кафизме седальны:

 

Кую похвалу принесем Ти, Богородице? Кое ли сплетем Ти славословие? Зане, кроме трудов или подвигов наших посреде обители Высоцкия источники исцелений источила еси пред Твоею иконою молящимся людем; ихже и днесь услыши молитвы, и на благая деяния, Пречистая, всех настави.

 

Слава, и ныне:

 

Твоего предстательства уверение и милосердия Твоего явление икона "Неупиваемая Чаша" нам, Владычице, показася; пред неюже души наша в молитве изливаем и верою Тебе вопием: воззри, Милосердая, на люди Твоя, вся скорби наша и печали утоли и спасение вечное душам нашим, Пречистая испроси.

 

По 2 кафизме седальны:

 

Молитв, яже о нас, присное устремление, и грешных прибежище несумненное, и праведнаго гнева Божия отклонение познахом Тя, Богородице Дево; убо и на нас долготерпение Твое простри, и грехом нашим прощение испроси, и во благих прошения наша исполни, Пречистая.

 

Слава, и ныне:

 

Не отрини, о Милосердая Мати, слез и воздыханий наших, но прошения наша милостивно приимши, пред иконою Твоею молящихся людей веру укрепи, умилением сердца их исполни и крест земнаго жития носити им помози; елика бо хощеши, можеши.

 

Величание:

 

Величаем Тя, / Пресвятая Дево, / Богоизбранная Отроковице, / и чтим образ Твой святый, / имже точиши исцеления / всем с верою притекающим.

 

По полиелеи седальны:

 

Блажим Тя, Богородицу, явившую нам чудный образ Твой "Неупиваемая Чаша", от негоже Божественная вода жизни непрестанно истекает любящим Тя и молящимся, юже вкушающии жажды смертоносныя избавляются.

 

Слава и ныне:

 

Риторов глаголы не довлеют воспети по достоянию, о Мати Бога нашего, дивная чудеса и неисчислимая благодеяния Твоя от иконы сея являемая, мы же во смирении сердца тайно вещаем Ти, Ангелов честнейшей: радуйся, Благодатная, пребуди, Милосердая, с нами неотступна во веки.

 

Тажа степенна, 1-й антифон 4-го гласа. Прокимен, глас 4:

 

Помяну имя Твое / во всяком роде и роде.
Стих: Слыши, Дщи и виждь, и приклони ухо Твое.
Всякое дыхание:

 

Евангелие от Луки, зачало 4.

 

Стихира по 50 псалме, глас 6:

 

Днесь Владычицы чудотворная икона прославляется, / днесь вернии на молитву в Высоцкую обитель пред нею отвсюду собираются, / днесь и маловернии помыслами покаяния озаряются, / силы Небесныя о славе Пречистыя радуются, / мы же, яко Ангелом научихомся, тако вопием: / радуйся, Благодатная, Господь с Тобою, / Благословена Ты в женах, / благословено Твое к нам милосердие, / благословен Плод чрева Твоего, слава Тебе.

 

Канон. Глас 4, тропари на 12:

 

Песнь 1:

 

Ирмос: Отверзу уста моя, / и наполнятся духа, / слово отрыгну Царице Матери, / и явлюся светло торжествуя, / и воспою радуяся Тоя чудеса.

 

Ангел вопияше Тебе, Дево Чистая: радуйся! Мы же, что Ти принесем, Благаго Царя Благая Мати, яко явила еси нам в сия последняя времена сокровище неоскудное — чудотворную икону Твою на освящение и исцеление душ и телес наших.
Ты буди нам утверждение и в бедах скорое заступление, Царице Небесе и земли, на Тебе надеемся, непрестанно моляще Твою благостыню.

 

Богатство духовное неиждиваемое даровала еси рабом Твоим, Жизнь рождшая, Пренепорочная Чистая Дево, икону Твою священную, еяже прославление светло празднующе, вернии, избавляемся от всяких бед и скорбных обстояний.
Святая Владычице Пречистая, Бога нашего Мати, всех Творца неизреченно рождшая, моли всегда благость Его страстей нас избавити и оставление грехов нам даровати.

 

Озари, Всепетля Дево, чистшая светлостей солнечных, слепотствующий ум наш разумом истиннаго Боговедения, да не погибнем люте во гресех наших: помыслы благочестия сердца наша просвети, да, спасшися Тобою, радостно возгласим: слава силе, слава и милосердию Твоему, Господи, Благодетелю Всеблагий.

 

Молим Тя, яже прежде век избранная в Матерь Господа, исцели расслабленныя грехом души наша, оживи росою покаяния сердечнаго и молитвы слезной, укрепи в сердцах рабов Твоих веру истинную и любовь нелицемерную, да сподобимся подвигом добрым подвизатися, веру непорочну соблюсти, житие мирно скончати, хваля Господа: слава долготерпению Твоему, Спасе наш.

 

Песнь 3:

 

Ирмос: Твоя песнословцы, Богородице, / живый и независтный источниче, / лик себе совокупльшия духовно утверди / в Божественней Твоей славе, / венцев славы сподоби.

 

Достойно есть величати Тя, Богородицу, даровавшую пречистый образ Свой в помощь и Божественное заступление святей обители Высоцкой от враг видимых и невидимых.

 

Богоначальным мановением святая икона Твоя, Владычице, от лет древних хранимая, ныне, яко чаша, благодать Твою обильно изливающая, есть достояние обители Твоея, яже на Высоком, темже благочестно прославляюще Тя, Богородице, достойно величаем.
Не остави нас, Богородице, нечистыми страстьми влаятися, не остави в беззакониих наших погибнути, но молящихся Тебе житие свое исправити научи и Твое милосердие воспети достойно.

 

Человеков молитвы и Ангелов славословие, Владычице, приемлющи, и моего убогаго не отврати моления, скорбь души моея утоляющи, паче же терпение в скорбех присно мне подающи.

 

Владычице Пречистая, елика просим днесь от Тебе прияти, сия от чудотворныя Твоея иконы нам подаждь, и немощное наше произволение утверди, и Небесных благ желание в сердца наша всели.

 

Нашему спасению буди, Богородице, ходатаица и наставница, но и телесныя нужды и болезни наша исцели; зане маловерии и нетерпеливи суще, помыслы уныния в бедах наших влаемся и наипаче терпения дар у Бога просити требуем.

 

Седален:

 

Яко воистинну Божественное украшение Церкви и залог милости Твоея к христоименитым людем икона Твоя, Богородице Дево, показася: всяк бо, с верою к ней приходяй, в недузех исцеление, в скорбех утешение, в бедах вспоможение от Тебе скоро приемлет, Всемилостива бо сущи, милости Твоея источник в чудотворнем образе Твоем нам зде, во обители Высоцкой, являеши, да славим имя Твое преблагословенное во веки.

 

Слава, и ныне:

 

Исполнение закона и пророков рождшая, Христа Бога, исполни радости и веселия всех, чтущих святую икону Твою, Владычице, да, светло днесь празднующе, Тя радостно воспоем и любовию имя Твое прославим, яко Ты еси едина от всех родов избранная, Благословенная и Препрославленная.

 

Песнь 4:

 

Ирмос: Седяй в славе / на престоле Божества, / во облаце легце, / прииде Иисус пребожественный, / нетленною дланию, и спасе зовущия: / слава, Христе, силе Твоей.

 

Иже в бедах сущии человецы, ведите, яко близ вас избавление верное обретается, аще токмо с верою сие призывати будете, сице глаголюще: о Владычице, помози и прости нас грешных, о нас милосердовавши.

 

Вемы, Владычице, вемы, яко веры исполненная молитва Тобою не отщетится; но сицевыя веры лености ради нашея не стяжахом, аще и стяжати возжелехом. Темже и вопием: веруем, Пречистая, помози нашему маловерию.

 

Широкий путь жития зле возлюбихом, Богородице, к погибели сыны своя влекущий и веру их сокрушающий; но пред святою Твоею иконою предстояще, покаяние о сем приносим, и помощи Твоея смиренно просим, во еже на путь спасения обратитися.

 

Еже ко временному житию потребное вмале полезно есть, но паче сих о сухости сердец наших восплачем, о братие, и исцеления страстей наших просити потщимся, греховное житие свое окаявше и горних даров тепле возжелевше.

 

Ядом страстей извращена ми душа, и нозе мои по пути спасения ходити не возмогут, аще не Твоим, Пречистая, предстательством благодатную обрящу помощь, воеже на путь правый устремити души моея шествие.

 

Церковь, в нейже икона Твоя пребывает, Богородице, врачебница недугов телесных и душевных является, веры же учительница и неверия явная обличительница.

 

Песнь 5:

 

Ирмос: Ужасошася всяческая / о Божественней славе Твоей: / Ты бо, неискусобрачная Дево, / имела еси во утробе над всеми Бога, / и родила еси безлетнаго Сына, / всем воспевающим Тя / мир подавающая.

 

Людей мольбы и славословия, пред чудотворным Твоим образом в обители Высоцкой и на всяком месте возносимыя, благоутробно, Владычице, приими, и, узами Твоея любве души наша пророчески связавши, сия в Небесное привлецы Царство, и тамо Твоему лицу поклонитися сподоби.

 

Благочестно отвсюду, о Богомати, к чудотворней иконе Твоей в обитель Высоцкую притекающия и усердно покланяющияся милостей Твоих и щедрот не лишаеши, от бед сия спасаеши, от недуг избавляеши, духи лукавыя от них прогоняеши, утешение же и здравие всем подающи, яко Всеблагая.

 

К Твоей, Дево прибегаем благости, и очи сердец наших к Тебе, Чистая, возводим: не презри воздыханий наших молитвенных, но буди нам покров и Помощница в День Судный.

 

Освящение, здравие и спасение душам и телесем нашим, Мати Божия, от святыя Твоея иконы подаеши, ейже благочестно покланяемся и усты и сердцем благоговейно сию целуем, Твоя чудеса и неисчетную милость к христианскому роду присно славяще.

 

Известная верных еси Помощница и всяких благ Подательница, Пречистая Дево, иконою бо Твоею чудотворною неисчетныя милости просящим подаеши и вся спасаеши, иже Тебе верно вопиют от души: помилуй и спаси нас, Владычице.

 

Мати Божия Всеблагая, милосердых щедрот Твоих не лиши нас, обнищавших во гресех, и от челюстей мысленнаго волка исхити души наша, да не погибнем до конца, но приносим присно плоды покаяния Богу.

 

Песнь 6:

 

Ирмос: Божественное сие и всечестное / совершающе празднество, / богомудрии, Богоматере, / приидите руками восплещим, / от Нея рождшагося Бога славим.

 

О, преславных чудес Твоих, Владычице, и многаго Твоего к человеком сострадания: единым бо прикосновением к иконе Твоей немощныя врачуеши, и издалече, в сониих и видениих, к ней требующих Твоего заступления в обитель Высоцкую призываешь.

 

Вода освященная и елей от лампады иконы Твоея святыя, яже во обители Высоцкой, недуги неисцельныя, Богородице Дево, врачуют и оныя с верою приемлющим во исцеление и спасение бывают; сего ради Тя, Целительницу, ублажаем, и чудеса Твоя, от иконы Твоея явленная и присноявляемая, славим.

 

Расторгни пленицы наших грехопадений, избави от рова страстнаго жития, и даруй свободу рабом Твоим, Богородице, да скончаем прочее живота нашего в мире и покаянии, уповающе наследити вечную славу.

 

Зряще на Твою, Богородительнице, икону, молим Тя, яко Матерь Света Незаходимаго, отжени от нас мрак страстей Того светлостию, да, просвещшеся, воспоем: слава силе Твоей, Господи.

 

Ты тихое обуреваемым, Богородице, пристанище, Ты радость печалию погруженным, болящим Ты исцеление, и покров всем, к Тебе прибегающим, Владычице, едина Чистая и Благословенная.

 

Тя, Богоневесто Чистая, недостойнии раби, славим, лобызающе бренными устны образ Твой святый, и Тебе молимся со слезами: спаси нас от лютых грехопадений, да избавимся от вечныя муки.

 

Кондак, глас 6:

 

Бысть чрево Твое святая Трапеза, / имущая Небеснаго Хлеба, / Христа Бога нашего, / от Негоже всяк ядый не умирает, / якоже рече всех, Богородительнице, Питатель.

 

Икос:

 

Како отверзу бренная уста и воспою Небо одушевленное, Деву Марию, от Неяже нам возсия Солнце мысленное, Христос, просвещаяй всякаго человека? Недоумеет бо ум мой, безгласием язык связуется. Но к чудес виновней Тоя иконе зряще, ангельски воспоем, глаголюще:

 

Радуйся, неистощимое сокровище благодати; радуйся, неизследимая чудес пучино.
Радуйся, всем верным Божественное услаждение; радуйся, скорбящим всерадостное веселие.
Радуйся, обидимым скорое избавление; радуйся, в житейстем мори спасительное окормление.
Радуйся, обуреваемым страстьми тихое пристанище; радуйся, оружие, во брани мысленней противныя поражающее.
Радуйся, молние, попаляющая диавола; радуйся, врачевство, болезни вся исцеляющее.
Радуйся, миро благовонное всему миру; радуйся, горо, вся осененная Божеством.
Радуйся, Дево, всех благих виновная верным; радуйся, Невесте Неневестная.

 

Песнь 7:

 

Ирмос: Не послужиша твари богомудрии / паче Создавшего, / но огненное прещение мужески поправше, / радовахуся поюще: / препетый отцев Господь и Бог, благословен еси.

 

Неисповедимое чудес море вемы Тя, Богородице, паче бо ума и слова оными Ты прославилася еси. Тем ныне, яко Матерь Божию, в песнех Тя славим, раби Твои, благодарственно.

 

Живоносный источниче, Богородице Дево, зноем страстей палимую мою душу напой благодатными струями Сына Твоего, и услади горесть сердца моего зрением святаго образа Твоего.

 

Непостыдную предстательницу нам дарова, икону Матери Своея, иже Ея зряще, веселимся и умильно зовем: помози, Владычице, всем, и от всех злых спаси, и Царствию Небесному сподоби.

 

Тобою вси спасаемся и от нахождений диавольских свобождаемся. Тя Бог показа нам Заступницу и Твою честную икону нам дарова, Ейже вопием: Владычице, помози, и от всех злых человек спаси, и Царствию Небесному сподоби.

 

Не умолчим, Владычице, чудеса Твоя, яко Своею честною иконою всех спасаеши и страждущих от бед избавляеши, недужным цельбы подаеши, и нас от всех злых спаси, и Царствию Небесному сподоби.

 

Пение от недостойных раб приими, Мати Христа Бога, и не отрини мене от Своего Пречистаго Лица, но спаси от злых всех, и Царствию Небесному сподоби.

 

Песнь 8:

 

Ирмос: Отроки благочестивыя в пещи / рождество Богородичо спасло есть: / тогда убо образуемое, / ныне же действуемое / вселенную всю воздвизает пети Тебе; / Господа пойте дела, / и превозносите Его во вся веки.

 

Приидите, вси вернии, воспоем Пречистую Деву Марию и честному Ея образу поклонимся, вопиюще от сердца: радуйся, Гавриилово благовещение, радуйся, Царя Христа восприимши, и на руку Своею держа, яко солнце. Того моли, Чистая, от злых спасти душу мою.

 

Божественныя Твоея иконы святое явление, яко солнце, возсия в сердцах, луча всечестная просвещает светом Своим всех, вопиющих Ей: радуйся, Благая наша Предстательнице и скорая Помощнице, славословящих Тя, Пречистая, помилуй нас.

 

Правоверно чтущих Тя, Царицу всех Бога, и Твоей чудней иконе святей любезно покланяемся, вопиюще: о Божия Мати, спаси от клеветы злых человек, и избави мя славословящаго Тя, и помилуй.

 

Божественней Твоей иконе покланяемся, Богородице Дево, просяще от Тебе великия милости, юже даруй рабом Своим, Едина Чистая, от всякия злобы избави и славословящих Тя, Пречистую, помилуй.

 

Взираю на Божественный образ Твой, и чту Владычню Божию Матерь, и взираю на подобие Пречистаго Ея лица зрак, покланяюся и вопию: Дево Богородице, чтущих Тя, Многопетую, во веки сохрани.

 

Приими песнь исходную, Мати Живаго Бога, и спаси всех, верно покланяющихся святому Твоему образу и чудотворней иконе и вопиющих Тебе, Богородительнице: молися, Пречистая, Сыну Своему, помиловатися от всех злых.

 

Песнь 9:

 

Ирмос: Всяк земнородный / да взыграется, духом просвещаем / да торжествует же безплотных умов естество, / почитающее священное торжество Богоматере, / и да вопиет: / радуйся, Всеблаженная, / Богородице чистая Приснодево.

 

Богородице Пречистая, аще и многогрешни суть людие, в Твой святый храм притекающий, но якоже Сын Твой спасения ради грешник от Небес к нам пришел есть, тако и Ты, от Небесных кругов на моления наша призри и прошений людей Твоих не презри, Всепетая.

 

Да утверждается Православная вера умножением исцелений от Твоея чудотворныя иконы, о Владычице, бываемых, да прославляется в людех Твое предстательство, паче же над страстьми победою увенчай наша зде возносимыя Тебе молитвы.

 

Твоей чудотворней иконе, Пречистая, покланяяся, и сию благоговейно лобызая, о своих же грехопадениих ужасаяся, сице реку: аще подобает мне их ради скорби приимати, негли терпения дар молитвою Твоею мне ниспосли.

 

Отечество наше, Владычице, паче всех стран земли чудотворными иконами Твоими просветила еси, яже, аки звезды небесныя, нощь земнаго жития нашего освещают и по пути правому ходити нас научают.

 

Множеству людей, во обитель Высоцкую притекающему, многия дарования от чудотворныя иконы Божия Матере подаются, от них же лучшее есть, еже в чувство покаяния себе привести и на деяния благая устремитися. В сем убо помощь Твою яви мне, Пречистая.
Помощи Богородицы Пречистыя, о братие, мнози свидетелие зде обретаются, нашему же нерадению обличителие, темже чудотворней иконе Владычицы предстояще, к покаянию теплому устремим душ наших шествие.

 

Светилен, глас 8:

 

Притецем, вернии, к благодатному милостей и щедрот источнику — чудотворному Пречистыя Девы образу: сей бо нам свыше даровася, душам и телесем во спасение, емуже покланяющеся с любовию, возопием к Богородице: о Всепетая Мати, о Царице Всемилостивая, покрый и соблюди нас от всякаго зла Твоим к Богу Матерним предстательством.

 

Слава, и ныне:

 

Пречистаго образа Твоего явление, Мати Божия, празднуем светло, ибо в нем Твоих чудотворений величество познаем и Твоих щедрот множество приемлем: милуеши бо и щедриши чтущия Тя и от бед спасаеши уповающия на Тя, Богородице Всепетая и Неискусобрачная.

 

На "Хвалитех" стихиры на 8, глас 4:

 

Честную икону Твою, Богоблагодатная Мати, / даровала еси нам богатство неотъемлемо, / покров же и славу, и необоримую стену, / и исцелений сокровище великое, / и чудес источник приснотекущий, / сего ради почитаем Тя, Пречистая Владычице.

 

Храм Твой, Владычице, / Твою святую икону, / яко сокровище драго спасения, имея, / всегда освящает вся верою притекающия к нему / и Тя по долгу блажащия, / всем выну подает упование душам нашим, / и твердый покров, и державу.

 

Почерпите, человецы, / здравие душам и телесем, / яко река бо всем предлежит, икона Девы Богоматере, / источающи нам чудес струи, / и омывающи омрачение и страстей осквернения, / и души освящающи верных / Божественною благодатию.

 

Слава, и ныне: глас 2:

 

Преблагословенна еси, Богородице Дево, / Рождеством Твоим даровавшая нам жизнь вечную. / Препрославленно и превознесенно есть святейшее имя Твое в род и род. / Велия и преславна чудеса Твоя, / любовь несказанна к роду человеческому. / Свыше бо призираяй Господь на смирение падшаго создания Своего, / вселися в пречистое чрево Твое, / и Честною Своею Кровию / искупил ны есть от работы вражия. / И ныне Богоприятными молитвами Твоими, Мати Божия, / спаси души наша.
Славословие великое, ектении и отпуст.

 

На Литургии:

 

По входе тропарь праздника, слава, и ныне:
Кондак.
Прокимен, глас 3, песнь Богородицы: Величит душа Моя Господа, / и возрадовался дух Мой о Бозе, Спасе Моем.
Стих: Яко призре на смирение рабы Своея, се бо отныне ублажат Мя вси роди.
Апостол ко Евреем, зачало 320.
Аллилуиа, глас 2: Воскресни, Господи, в покой Твой, Ты и кивот святыни Твоея.
Стих: Клятся Господь Давиду истиною и не отвержется ея.
Евангелие от Луки, зачало 54.
Причастен: Чашу спасения прииму и Имя Господне призову.

СВЯЩЕННОЕ ПИСАНИЕ И СВЯТЫЕ ОТЦЫ О ПЬЯНСТВЕ

  Писание предостерегает: Смотрите же за собою, чтобы сердца ваши не отягчались объяде-нием и пьянством и заботами житейскими, и чтобы день тот не постиг вас внезапно (Лк. 21,34). Как днем, будем вести себя благочинно, не предаваясь ни... пьянству, ни... распутству (Рим. 13, 13). Пьянство лишает людей Царства Небесного: ни блудники... ни прелюбодеи... ни пьяницы... - Царства Божия не наследуют (1 Кор. 6, 10). Дела плоти известны; они суть... блуд, ссоры... убийства, пьянство, бесчинство и тому подобное. Предваряю вас, как и прежде предварял, что поступающие так Царствия Божия не наследуют (ср.: Гал. 5,19-21).
Пьянство приводит к бедности: Кто любит веселье, обеднеет; а кто любит вино и тук, не разбогатеет (Притч. 21, 17). Где пьянство, там распутство, всякая неправда, забвение дел Божиих: Не упивайтесь вином, от которого бывает распутство (Еф. 5,18). Не царям... пить вино, и ни князьям - сикеру, чтобы, напившись, они не забыли закона и не превратили суда всех угнетаемых (Притч. 31,4-5).
Слово Божие не советует общаться с пьяницами: Не будь между упивающимися вином (Притч. 23,20). Я писал вам не сообщаться с тем, кто, называясь братом, остается блудником... или пьяницею... с таким даже и не есть вместе (ср.: 1 Кор. 5,11). Преподобный Ефрем Сирин говорил по поводу пьянства следующее: «Царство Небесное принадлежит не беспечным, не возлежащим и почивающим, не восходящим в корчемницы, не роскошествующим и смеющимся, но плачущим и кающимся. Будем убегать роскоши сопрово-ждаемого шумным смехом пьянства, этой матери блуда. Пьянство удаляет от нас Духа Святого. Избегай пиров, чтобы не стать блудником.
Не расслабляй тела своего винным воспламенением, чтобы не напали на тебя лукавые помыслы и самые худые мысли. Кто любит упиваться, тот утратит многое: ибо говорит и делает он, чего не должно; богатство свое, как чужое, расхищает и сам отдает врагам, - потому что упиение омрачило у него ум.
Не делай так, чтобы сегодня - поститься и воздерживаться, а наутро - ходить упившимся, кружась там и здесь и служа для всех посмешищем.
Однажды отрезвившись, не погружайся в опьянение. Во всякое время бойся вина, юный, потому что вино никогда не щадит тела, возжигает в нем огонь худого пожелания. Старшие должны быть для младших образцом всякой добродетели, Если сами чревоугодники или преданы пьянству, или сребролюбивы, - то как младших себя научим воздержанию и терпению?
Если начнешь не радеть, предаваясь объедению и пьянству, то погибнешь вместе с пресыща-ющимся роскошью и, во-первых, удалишь тем от себя Божию благодать, во-вторых, осудят, тебя за сие и видящие твое бесстыдство; а, в-третьих, и рукоделий у каждого из нас недостанет на такие издержки; наконец, отсюда рождаются развлечения, хлопоты, лжи, неправды, частые отлучки, ласкательство пред высшими и вес тому подобное.
Как добрыми делами Бог прославляется, так, наоборот, деяниями лукавыми хулится и бесче-стится; потому что и неверные язычники, смотря на христиан и видя, что они подобно язычникам и неверным проводят время в объедении и пьянстве, не рассуждают, что это - несмысленные христиане, преступающие закон и заповеди Христовы, но в хулу христианскую говорят: "что передал и заповедал им Христос, то они и сохраняют"».
Святитель Иоанн Златоуст еще в IV веке по Р.Х. писал: «Итак, умоляю, не заражайтесь этой болезнью, а тех, которые уже заразились, похищайте из беды, дабы не было между вами людей, которые хуже бессловесных. Ибо скоты не требуют ничего более того, что нужно; а эти становятся бессмысленнее их, преступая границы умеренности. Все животные вообще - едят ли, пьют ли - знают предел довольства и не простираются далее нужды, и хотя бы принуждали их, никогда не дадут себе дойти до неумеренности. Итак, невоздержные хуже бессловесных в этом отношении. И не только в тот день, когда пьян, ты страдаешь от пьянства, но и после этого дня. Подобно, как и после того, когда пройдет горячка, остаются еще следы пагубного влияния ее, так и у тебя и после того, как пройдет хмель, и в душе, и в теле свирепствует буря. Бедное тело лежит расслабленное, как корабль, разбитый бурей, а еще беднее его душа, потому что и в расслабленном теле воздымает бурю и возжигает похоть. Как по укрощению волнения во время бури остаются следы разрушительного действия ее, так и здесь. Как там товары, так и здесь почти все доброе выбрасывается. Целомудрие ли стяжал кто-либо, стыдливость ли, кротость ли, смирение ли - все это пьянство повергает в море нечестия. А что еще после этого делает пьянство, того нельзя ни с чем сравнить. Нельзя пьянице видеть Царствия Небесного. Не обманывайтесь, - говорит Апостол, - ни пьяницы, ни лихоимцы Царствия Божия не наследуют (1 Кор. 6, 10). И что я говорю - Царствия Небесною! Пьяный не видит и настоящих предметов, потому что пьянство дни для нас превращает в ночи, свет - в тьму; пьяный, смотря во все глаза, не видит и того, что у него под ногами. И не это только зло рождается от пьянства, но и после пьяницы подвергаются другой, жесточайшей казни: безумному унынию, неистовству, расслаблению, насмешкам, поношению.
Какого же помилования ждать тем, которые убивают себя такими бедствиями? - Совершенно никакого. Итак, потщимся избегнуть этого недуга, чтобы получить нам настоящие блага, благодатью и человеколюбием Господа нашего Иисуса Христа. Ему же слава и держава со Отцем и Святым Духом во веки веков».

 

 

СЛОВО СВЯТОГО ИОАННА ЗЛАТОУСТАГО

  Что значит — не упивайтесь вином, в нем же есть блуд? Блудными мы называем тех молодых людей, которые, получив отцовское наследство, тратят все вдруг, без разбора: и одежду, и золото, и серебро, словом, все отцовское богатство расточают на блудниц и развратников. Так и пьянство, овладевая умом пьянствующих, как бы распутным юношей, и, пленив их рассудок, заставляет расходовать весь запас мыслей неосмотрительно и без всякой осторожности. Пьяный не знает, что нужно говорить и о чем молчать, но постоянно открывает рот, нет ни затвора, ни дверей на устах его; пьяный не умеет располагать речей своих с благоразумием, не умеет распоряжаться богатством мыслей, не умеет одно беречь, а другое издержать, но все тратит и извергает. Пьяный не видит и настоящих предметов, потому что пьянство превращает дни в ночи, свет в тьму; пьяный не видит даже того, что у него под ногами. Сверх сего, пьяницы подвергаются безумному унынию, неистовству, расслаблению, насмешкам, поношению. Пьянство есть добровольное неистовство, извращение мыслей; пьянство есть несчастье, достойное смеха, болезнь, достойная осмеяния, произвольное беснование, которое хуже умопомешательства. Хочешь ли знать, как пьяница бывает хуже бесноватого? Бесноватого все мы жалеем, а от пьяницы убегаем, тому сострадаем, а на этого гневаемся и негодуем, потому что у того болезнь бт несчастья, а у этого от беспечности, у того от злоумышления врагов, а у этого от дурного настроения мыслей. Пьяный терпит то же, что и бесноватый; так же трясется, лежа на земле, испускает изо рта пену, и уста его наполняются невыносимым зловонием. Такой человек неприятен для друзей, смешон для врагов, презирается, слугами, отвратителен для жены, несносен для всех, противнее самых бессловесных. Бессловесные животные пьют столько, сколько чувствуют жажды, а этот по невоздержанию своему становится безрассуднее бессловесных. Особенно же тяжело то, что эта болезнь, производящая столько зол и столько несчастий, не считается пороком. За столами богачей бывает даже соперничество и состязание, кто более осрамит себя, кто более возбудит смеха, кто более ослабит свои нервы, кто больше изнурит свои силы; кто больше оскорбит общего Владыку. Пьяный жалок более мертвого. Тот лежит без чувств и не делает ни добра, ни зла, а этот способен делать зло.
Хочешь ли я скажу еще нечто важнейшее и ужаснейшее всего этого: пьянствующий человек не может войти в Царствие Небесное. Кто говорит это? Павел. Слышал ли ты, в какой сонм он поместил его? Вместе с развратниками, блудниками; с идолослужителями, с прелюбодеями, с хульниками, с любостяжателями, с грабителями.
Неужели же, скажешь, пьяница и развратник одно и то же? Не говори мне этого, человек; я прочитал тебе Божественные заповеди; не требуй у меня отчета;спроси Павла, он ответит тебе. Я не могу сказать, вместе ли с ними, или не вместе с ними он подвергнется наказанию, но что он, подобно идолослужителю, будет лишен Царства, это я могу утвердить со всею силою; а если это несомненно, то для чего ты требуешь у меня отчета в том, как велика мера этого греха? Если он останется за дверями, если он лишится Царства, если не получит спасения, если будет послан на вечное мучение, то для чего ты представляешь мне вес и степень грехов?
Итак, умоляю, не заражайтесь пьянственной болезнью; тем же, кто уже заразился, помогайте выйти из беды. Когда пьяный придет в чувство, опишите ему все безобразия его.
Как после горячки остаются еще следы пагубного действия ее, так в душе и теле пьяного свирепствует буря и после того, как пройдет хмель. Бедное тело лежит расслабленное, как корабль, разбитый бурею; а еще беднее — душа, потому что и в расслабленном теле поднимается буря и разгорается похоть. Как по укроще¬нии волн во время бури остаются следы разрушительного действия ее, так и здесь. Как там товары, так и здесь почти все доброе выбрасывается. Стяжал ли кто целомудрие, стыдливость, кротость, смирение, все это пьянство повергает в море нечестия.
Какого же помилования ждать тем, которые бичуют себя такими бедствиями? Совершенно никакого.
Итак, позаботимся оберечь себя от этого, недуга, чтобы получить нам настоящие блага благодатию и человеко-любием Господа нашего Иисуса Христа, Ему же слава и держава во веки веков.